Miss-i shqiptar rrëfen periudhën e vështirë: “Isha 18 vjeçe kur dështova fëmijë e parë”

Françeska Mustafa është shoqëruesja e parë e Miss Universe Albania 2020, e cila ka qenë e ftuar në emisionin “Rudina” bashkë me djalin e saj 3 vjeç, Priam.

Në një moment, Françeska rrëfeu se ajo dhe i shoqi i saj kishin dëshirë që të bëheshin prindër që të vegjël. Ajo ka treguar se kur ishte 18 vjeçe ngeli shtatzanë, por e dështoi fëmijën në muajin e tretë.

Kjo e kishte shtyrë çiftin për të bërë një fëmijë tjetër, Priamin, i cili sot është 3-vjeç dhe prindërit i kanë dedikuar jetën.

“19 vjeç unë kam mbetur shtatzënë, sapo mbusha 20 linda. Lindi Priam i cili tani është 3 vjeç. Ka qenë dëshira e të dyve, e imja dhe e Mateos, bashkëshortit. Ne kishim dëshirë që të vegjël të bëheshim me një bebe.

Unë kam dashur vetë të impenjohem për rritjen dhe shëndetin e Priamit. Unë dy vite që kur ka lindur Priami kam ndejtur duke iu përkushtuar atij. Kam dashur të jem prezente në jetën e tij derisa të arrinte këtë moshë. E kam zgjedhur vetë dhe e kam shijuar shumë. Më ka privuar nga disa gjëra, por e kam zgjedhur vetë ta bëj.

Nuk kam asnjë peng sepse kam tim shoq që më ka sjellë në jetë gjithmonë atë që unë kam dashur. Dëshirën për tu bërë nënë e kam patur më të hershme dhe shumë pak njerëz e dinë këtë. Unë kam patur një shtatzëni para Priamit, kam qenë në moshën 18 vjeç. Unë mbeta shtatzënë dhe e kishim shumë merak atë fëmijë dhe mezi e prisnim, por ai fëmijë nuk ishte ngjizur ashtu siç duhej dhe dështoi në muajin e tretë. Kur unë vajta të bëja vizitën për të dëgjuar rrahjet e zemrës që mezi e prisja, nuk i kemi dëgjuar.

Ata thanë që fëmija duhet hequr, por unë nuk e bëra abortin. Ecja gjithmonë me shpresë, por fëmija pas dy javësh u shpërbë vetë dhe aty lindi akoma më shumë dëshira për të bërë një fëmijë tjetër. Neve na mbeti shumë peng, e kemi vuajtur shumë atë pjesë sepse aborti ndodhi një ditë para fejesës sonë, por e kalova mirë sepse kam pasur pranë njerëzit që i kam dashur”, tregoi Miss-i.

Ju mund të pëlqeni dhe këto