Në Paris do të ndërtohet ferma më e madhe urbane në botë mbi një pallat

Një fermë e vërtetë, 14 mijë metra katror do të hapet në Parisin jug perëndimor, vitet e ardhshme.

Bëhet fjalë për një fermë mbi çati që me përmasat e saj do të jetë më e madhja e llojit në botë. Ferma ndodhet mbi plot gjashtë kate ndërtesë, në zemër të kryeqytetit francez.

Dhe kjo duket se është bujqësia e të ardhmes dhe veçanërisht në Paris, të mbjellat mbi çati mund të shihen ngado. Aktualisht, ferma 14 mijë metra katrorë është në ndërtim e sipër dhe parashikohet që të hapet në pranverë të 2020-s dhe planifikohet të rriten më shumë se 30 lloje të ndryshme bimësh.

Nga kjo fermë do të prodhohen rreth 1 mijë kg fruta e perime çdo ditë, në kulmin e sezonit. Për të do të kujdesen rreth 20 kopshtarë duke përdorur metoda tërësisht organike.

Qëllimi është që ferma të shndërrohet në një model global.

Ju mund të pëlqeni dhe këto