“Dha rezultate të shkëlqyera tek dy pacientë”, mjeku italian gjen ilaçin e mirë kundra koronavirusit

Italia ka përcjellë një lajm shpresëdhënës ndërsa janë vendosur në gjendje shumë të vështirë si pasojë e koronavirusit.

Paolo Ascierto, një mjek në spitalin e Napolit, ka sugjeruar që të futet në listën e medikamenteve për trajtimin e koronavirusit, ilaçi Tocilizumab. Ky ilaç përdoret për kurimin e artritit tek pacientët, ndërsa doktori e shikon si një dritë jeshile për jetën këtë medikament.

“Dy pacientët e parë u trajtuan në Itali dhe brenda 24 orësh terapia tregoi rezultate të shkëlqyera. Nesër një nga 2 pacientët do të ekstrubohet sepse gjendja e tij është përmirësuar. Dje filloi trajtimi për dy persona të tjerë dhe sot do të merremi me dy të tjerë. Sa i përket pacientit të dytë të trajtuar, ka pasur një përmirësim dhe tani është i qëndrueshëm.

Këtu në Napoli kemi për qëllim të trajtojmë sa më shumë pacientë të jetë e mundur. Një protokoll kombëtar është i nevojshëm menjëherë për të zgjeruar përdorimin e tocilizumab në pacientët e infektuar me koronavirus dhe në kushte shumë kritike

Ilaçi mund të përdoret në pneumoninë Covid-19 vetëm ‘off label’, domethënë, jashtë indikacioneve për të cilat është regjistruar. Pacientët e tjerë tashmë kanë marrë terapi edhe në qendrat e Bergamo, Fano dhe Milano. “Por është shumë e rëndësishme që përdorimi i saj të zgjatet sa më shpejt që të jetë e mundur, kështu që ne të mund të shpëtojmë më shumë jetë. Struktura jonë, së bashku me Spitalin Colli, ishte e para, në Itali, që e përdori këtë terapi te pacientët me koronavirus“, shton ai .

“Ne kemi krijuar një urë të vërtetë kërkimore me kolegët kinezë, të cilët kishin vërejtur tashmë një përmirësim të pacientëve të trajtuar në këtë mënyrë  Vetëm bashkëpunimi ndërkombëtar do të na lejojë të zhvillojmë armë efektive kundër Covid-19. Rezultatet pozitive të tocilizumab duhet të jenë të vlefshme, kjo është arsyeja pse ne kemi nevojë për një studim shumëqendror në nivelin kombëtar “.- shpjegoi Gerardo Botti.

 

Ju mund të pëlqeni dhe këto