Paralajmërimi i Europol: “Shqiptarët, kërcënimi kryesor për sigurinë evropiane”

Gjatë një konference të udhëhequr ditën e martë nga agjencia anti-mafia e Italisë dhe e BE-së, Europol, u tha se grupet mafioze italiane, shqiptare dhe të Evropës Lindore, përbëjnë rrezikun kryesor të sigurisë në kontinent, duke tejkaluar kështu terrorizmin dhe migrimin.

Por të rrezikshme u përfolën dhe grupet aziatike, afrikane dhe amerikano-jugore që janë futur në krimin e organizuar duke bërë 110 miliardë euro në vit, duke bashkëpunuar me njëra-tjetrën.

“Aktualisht krimi i organizuar përbën rrezikun më të lartë për sigurinë e brendshme të BE”, u shpreh Jari Liukku, kreu i Qendrës Evropiane të Krimit të Organizuar dhe të Krimit të Europollit.

“Për të parandaluar krimin e organizuar ne duhet të veprojmë ndërkombëtarisht, sepse grupet e krimit të organizuar tashmë po e bëjnë këtë (bashkëpunimin ndër-kontinental)” shtoi Liukku sipas “France 24”.

Giuseppe Governale, kreu i Drejtorisë së Hetimeve Anti-Mafia të Italisë, tha se Cosa Nostra siciliane, “Ndrangheta” e Kalabrisë dhe Kamorra Napolitane janë ende “kampionë” të mafies, por shtoi se problemi është bërë më i përhapur. “Ky është një problem evropian,” tha ai.

Autoritetet evropiane po shikojnë që të godasin pastrimin e parave. “Pesha e pastrimit të parave ka një ndikim të madh në shoqëri, të gjithë sektorët janë destabilizuar dhe mund të rrezikojnë ekonominë dhe sigurinë kombëtare”, shtoi ai. Një shenjë dalluese e grupeve të reja të krimit të organizuar ishte një nivel në rritje i dhunës, thanë zyrtarët në konferencë.

Suedia në veçanti kishte parë një rritje të pashembullt të dhunës, e ngjashme me një “forcë të ulët lufte”, tha zyrtari i lartë i policisë suedeze Jale Poljarevius. Të shtënat fatale ishin rritur nga 15 në vit në 2011 në mbi 40 në vitin 2018, ndërsa në tre muajt e parë të vitit 2019 ka pasur 12 vdekje me armë në 67 shkëmbime – si dhe një të vdekur në 47 shpërthime me granata.

“Suedia kurrë nuk ka parë këto lloj numrash,” tha Poljarevius. Në dhjetor autoritetet e BE njoftuan arrestimin e rreth 90 të dyshuarve mafioz të grupit Ndrangheta në gjashtë vende në Evropë dhe në Amerikën e Jugut.

 

Ju mund të pëlqeni dhe këto