Ky është biznesi që po lulëzon në kohën e koronavirusit

Supermarketet, restorantet e një sërë njësish specifike, me ligj duhet të bëjnë dezinfektim në mënyrë sistematike, për të përmbushur kriteret higjieno-sanitare.

Një pjesë e mirë e tyre e respektojnë këtë kërkesë, duke lidhur kontrata private me kompanitë që e ofrojnë këtë shërbim. Të tjerë, parapëlqejnë të sigurojnë dëshmi sipas një hapësire që lejon ligji. Por ka edhe nga ato kategori që nuk e shohin të arsyeshme ndonjëherë që të kryejnë procese dezinfektimi. Së pari, nga kompanitë e tregut, kjo cilësohet si kulturë pune dhe biznesi, diçka që nuk e kemi.

Dezinfektimi shihet me indiferencë. Kështu ndodhi deri para dy javësh, kur secili nga operatorët që ofron këtë shërbim në treg e kishte të qartë planin e punës me aq pak klientë sa mund të kishin. Pas koronavirusit, ata shprehen se nuk po arrijnë të marrim dot frymë. Kërkesa nga të gjithë dhe të gjithë e duan brenda ditës. Frika e virusit që po trondit botën u përcoll edhe te ne, sidomos me zbulimin e rasteve të para. Ata raportojnë mesatarisht 50 telefonata në ditë në pikun e fluksit, por tani gjërat po stabilizohen gradualisht.

Burimi: Monitor.al

Ju mund të pëlqeni dhe këto