Punimet në autostradën Tiranë-Durrës shtyhen nga reshjet e shiut, ARRSH jep njoftimin e rëndësishëm

ARRSH ka dhënë një njoftim të rëndësishëm për shoferët lidhur me aksin rrugor autostrada Tiranë-Durrës në segmentin Qafë Kashar-Ura e Dajlanit.

Punimet për riparimin e shtresave asfaltike në këtë aks nuk do të nisin sot. Por punimet do të shtyhen për nesër për shkak të reshjeve të shiut. Autostrada është e lirë për drejtuesit e mjeteve.

DEKLARATË E PËRBASHKËT PËR MEDIAN DHE OPINIONIN PUBLIK:

Punime për riparimin e shtresave asfaltike në autostradën “TIRANË–DURRËS, SEGMENTI QAFË KASHAR–URA E DAJLANIT”.

Në vijim të njoftimit të mëparëshëm, Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se për shkak të reshjeve të shiut punimet për riparimin e shtresave asfaltike në aksin “Autostrada Tiranë–Durrës, segmenti Qafë Kashar–Ura e Dajlanit” të parashikuara për të filluar në datë 7 prill 2021, do të shtyhen për ditën e nesërme datë 08 prill 2021.

Vijimësia e punimeve do të jetë në varësi të kushteve të motit.

Ndërkohë, autostrada Tiranë-Durrës do të jetë e lirë për qarkullimin e mjeteve.

Sqarojmë se sipas Planit të Menaxhimit të Trafikut të rishikuar, qarkullimi i mjeteve do të realizohet në një korsi të Autostradës Tiranë–Durrës dhe gjatë peridhës kohore, që do të realizohen punimet, mjetet udhëzohen të përdorin edhe kalime te tjera në rrugën dytësore, që nga Mbikalimi Kamëz, degëzimi për QTU etj.

Punonjësit e Autoritetit Rrugor Shqiptar, Policisë së Qarkullimit Rrugor dhe kompanisë së mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.

Faleminderit për mirëkuptimin dhe bashkëpunimin tuaj!

Ju mund të pëlqeni dhe këto