Do i kufizojnë kompetencat? Meta i drejtohet mazhorancës: “Le ta provojnë, unë shpërndaj parlamentin”

Presidenti Ilir Meta është pyetur sot mbi nismën e mazhorancës për të krijuar një ligj që do kufizojë kompetencat e presidentit. Meta ka deklaruar se nuk ka ligj-antikushtetues që të kufizojë presidentin.

Me tone të forta, Meta ka sfiduar mazhorancën, duke deklaruar se ata mund ta provojnë, por ai edhe e shpërndan parlamentin.

“Se çfarë bën mazhoranca është një zgjedhje e saj,. Presidenti di vetëm të respektojë kushtetutën dhe i përshtatet dhe do ti përshtatet çdo situate në mbrojtje të kushtetutës. Thelbi është zgjedhjet e lira dhe pluralizimi politik. Asnjë i sëmurë mendor apo i marrosur pas pushtetit të pamerituar e të vjedhur nuk duhet t’i shkojë mendja se presidenti mund të frikësohet apo intimidohet të përmbush misionin e tij. Që të jetë presidenti i 25 prillit. Nëse ky Parlament nuk i mjafton rekordet negative padyshim që do ngelet si parlamenti i 1 prillit nëse nuk reflekton. I pari është respektimi i marrëveshjes së 5 qershorit. E përshëndes opozitën që ka mbështetu hapjen e listave 100%. I bëhet mirë demokracisë. Mirë keq ju e keni Presidentin dhe të jeni të sigurt që edhe po t’mos e kishit dhe të kishin mbaruar të gjithë burrat në Shqipëri, gratë e Shqipërisë do ua kalonin grave Bjellorusisë. Se kur ngrihen ata. gratë e Shqipërisë kur ngrihen do tu duket e madhe edhe vrima e miut. Nuk flemë gjumë deri më 25 prill. Këto zgjedhje janë një domosdoshmëri.” tha Meta.

“Nuk ka ligj anti kushtetues nga një parlament si ky që e pengon presidenti që të përmbush misionin e tij. Mazhoranca e ka provuar me Presidentin. 3 me 0. Pavarësisht nga miliardat e shpenzuar. Ky është presidenti i popullit të 2 marsit. Nuk është i LSI dhe opozitës. Është shtuar populli dhe prapë kërkon shpërndarjen. Duan të shpërndahen para 25 prillit. Unë këtu jam ta provojnë. Duan të më shkarkojnë unë këtu jam. Presidenti ka respektuar dhe do e respektoj” tha Meta.
 

Ju mund të pëlqeni dhe këto